Román Santalla: "o abastecemento para o gando e a producción de alimentos están garantizados"

Pontevedra

O sector gandeiro está a vivir os primeiros días de confinamento por mor do Covid-19 con aparente normalidade. Así o reflexa, en declaracións a esta emisora, Román Santalla: "por agora, o abastecemento para o gando e a producción de alimentos están garantizadas". O responsable comarcal do sindicato Unións Agrarias indica que tentarán facer a súa labor como ven sendo habitual dentro da cadea alimenticia, pero recoñece que viven a situación con certa incerteza.

O tamén representante do sector gandeiro a nivel nacional entende que os problemas poden chegar nos vindeiros días. Por un lado "producimos alimentos perecedeiros que necesitan ser vendidos cada día", sinala. Por outra banda, se os restaurantes que adoitan mercar carne permanecen pechados, esta nos se vende. Un problema que se ve acentuado xa que tampouco se comercializan os animais debido a que as feiras tamén están todas canceladas. "pensamos que esto non vai durar quince días, vai durar máis e estamos preocupados por esto".

Santalla aproveita esta situación de confinamento para facer unha chamada á cidadanía para que merquen productos galegos, de calidade e a bo prezo, garantindo o abastecemento deste tipo de alimentos. Coa axuda dos particulares, Román Santalla lanza unha mensaxe optimista "esto danos seguridade, e entre todos vamos a sair pronto desta crise sanitaria",