A Costa da Morte amósase “Naturalmente Salvaxe” en Fitur

A Feira Internacional de Turismo de Madrid é un ano máis o lugar escollido para que os concellos da zona presenten as súas novas propostas para atraer visitantes. Dende o mércores 22 ao venres 24 a asociación de empresarios SOLPOR, algúns concellos xuntos ou por separado e a CMAT, entidade que aglutina a todo os sector turístico da zona, realizarán presentacións do Camiño, dos miradoiros ou da Mostra de Encaixe. Nesta ocasión o lema co que a Asociación te turismo CMAT vende a comarca é Naturalmente Salvaxe, “dúas palabras que definen moi ben o atractivo turístico do territorio“. A presentación desta campaña será o xoves ás 18:40 horas no Stan de Turismo de Galicia.

O Camiño Fisterra Muxía terá unha relevancia destacada, un ano máis. A primeira presentación será a de SOLPO o mécores ás catro da tarde, no Stand de Galicia onde amosarán o proxecto da Porta da Comprensión. Mentres a Asociación de Concellos do Camiño Fisterra-Muxía fará dobrete con, “O Camiño que Remata no Mar“ que se presentará o xoves pola tarde no stand galego e o venres ás dúas no de TurEspaña.

Tamén presentarán campañas Vimianzo con Dumbría, que presumirán de vistas. Cee, que recollerá o certificado de Destino Intelixente e fará unha presentación como Destino Natural. Vimianzo repetirá, neste caso xunto ao concello de Laxe, para promocionoar a Paixase Protexida dos Penedos de Pasarela e Traba.

Haberá mías propostas en FITUR, sen unha presentación propia, pero si con reunións con turoperadores e axencias, como a Semana do Percebe de Muxía, a Olería de Buño, a Festa da Pataca, etc.