Detidos os autores do asalto a unha xoiería en Cee
Trátase de dous individuos xa coñecidos polas forzas de seguridade
Imaxe da xoiería asaltada o pasado mes de xullo
Cee
A Garda Civil detivo aos autores do atraco nunha céntrica xoiería en Cee o pasado mes de xullo. Os presuntos autores dos feitos son un varón de A Laracha e unha muller de Cerceda. Ambos foron postos a disposición xudicial en Carballo, decretándose o ingreso do detido nun centro penitenciario.
O asalto tivo lugar o 9 de xullo, cando os dous detidos irrumpiron na Xoiería Teresa co fin de interesarse pola compra duns pendentes. Os atacantes aproveitaron un momento no que a propietaria doulles as costas para que o varón, que cubría a súa faciana cunha gorra, saltase polo mostrador para rociar á vítima cun sprai de defensa persoal. Logo de botala ao chan para evitar que puidese pulsar o botón de alarma, fixéronse con xoias por valor de máis de 1300 euros e cun sobre con 3000 euros.
A Garda Civil iniciou unha investigación coa sospeita de que os asaltantes eran delincuentes xa fichados polas forzas de seguridade, unha hipótese que o tempo amosou ser certa.
