Javier Guillén publica a contrahistoria do penalti de Djukic: "No Deportivo - Valencia do 94 houbo catro primas"
O xornalista coruñés estrea a súa ópera prima, unha viaxe ao fútbol e o contexto socioeconómico da Coruña dos 90
Javier Guillén publica la contrahistoria del penalti de Djukic
El código iframe se ha copiado en el portapapeles
Santiago de Compostela
O 14 de maio de 1994 unha cidade enteira contivo o alento. Milleiros de persoas depositaron toda a súa ilusión nos pés dun home: Miroslav Djukic. A historia daquel penalti fallido que deixou ao SuperDepor de Arsenio Iglesias sen o título de Liga é máis que coñecida, pero as súas sombras, o antes e o despois non o son tanto. O xornalista deportivo Javier Guillén (A Coruña, 1987) publica a súa ópera prima. "Mucho que decir y poco que contar: Historia y contrahistoria del penalti de Djukic" é máis ca unha lembranza romántica dun dos momentazos do fútbol español; é unha viaxe aos anos 90, a unha cidade un tanto deprimida socioeconómicamente que reviviu grazas a un clube pequeno en orzamento e grande en soños. Con máis de 200 testemuñas, o libro desvela detalles descoñecidos daqueles anos, anécdotas, sentimentos e, como case sempre que hai diñeiro de por medio, o seu lado escuro, as "cloacas do fútbol".
