Adhesivos para denunciar o depósito indebido de residuos
O Concello de Tomiño inicia unha campaña tras detectar numerosas incidencias por abandono de voluminosos en lugares públicos
Entrevista a Ana Belén Casaleiro, concelleira de Medio Ambiente de Tomiño
08:31
Compartir
El código iframe se ha copiado en el portapapeles
Tomiño
Dende hai meses veñen aparecendo voluminosos e residuos en xeral depositados fóra de lugar en diferentes puntos de Tomiño. Unha problemática que leva ao Concello a por en marcha unha campaña para fomentar o depósito correcto de residuos.
Nesta acción se sinalarán visiblemente todos os residuos depositados fóra de sitio para evidenciar as malas prácticas e fomentar que a veciñanza sexa responsable e utilice os colectores axeitados para cada tipo de residuo e faga uso do servizo de recollida de voluminosos.
A situación está a implicar problemas de salubridade e limpeza, xa que o lixo depositado na rúa produce malos cheiros e atrae animais, que o removen e espallan. Este feito, explican dende o Concello tomiñés, altera gravemente o traballo de recollida por parte dos operarios municipais, que ademáis do seu labor habitual teñen que localizar e recoller os residuos ciscados fóra de lugar.
Depositar lixo e voluminosos fóra do seu lugar non só xera problemas de sucidade e malestar para toda a veciñanza, senón que pode carrexar multas de ata 750 euros, ou superiores se a incidencia é grave, para as persoas que cometen as infraccións.
Dende o Concello lémbrase que existe un servizo gratuíto de recollida de voluminosos porta a porta. Para utilizalo, só hai que chamar ao teléfono 986 622 001 e nel recibiranse as indicacións de día e horario de recollida. Ningún residuo voluminoso debe ser depositado ao lado dos contedores de lixo.
