O paro descende en 314 persoas na bisbarra
Espectacular baixada en Bergantiños con 222 parados menos.
O paro descendeu de novo na bisbarra / Antonio García (EFE)
Costa da Morte
O paro continúa coa súa tendencia á baixa e os datos de xuño veñen de afondar nesa dinámica. A Costa da Morte rexistra 314 parados menos, encabezando ese descenso a comarca de Bergantiños con 222 persoas menos rexistradas nas oficinas de emprego. Na comarca de Soneira o paro tamén descende en 25 persoas e na de Fisterra o descenso acadou os 47.
A zona de Bergantiños rexistra un importante descenso nas cifras do paro con 222 desempregados menos. Por concellos, Carballo lidera o descenso con 83, seguido por A Laracha con 42 e a máis distancia Ponteceso e Coristanco (23), Cabana (21), Malpica (19) e Laxe (11).
Nas Terras de Soneira está o único concello onde aumenta o paro, Zas, con dous desempregados máis. En Vimianzo descende en 16 e Camariñas 11, deixando o balance en 25 parados menos.
A comarca de Fisterra ten 47 parados menos respecto o mes anterior. Muxía con 17 e Cee con 16 encabezan o descenso. Tamén baixan en Corcubión (6), Fisterra (5) e Dumbría (3).
Os datos complétanos Carnota, que baixa en 18 persoas o rexistro de parados e Mazaricos con 2 desempregados menos no seu concello.
