A Xunta correrá cos custos da mudanza da Academia Galega a Pocomaco
Está previsto que as obras comecen en decembro deste ano e terminen a finais de 2024
Silvia Penelas Cuiña
A Coruña
A Xunta de Galicia correrá cos gastos da mudanza, seguridade e instalación da Real Academia Galega á súa próxima sede temporal no polígono de Pocomaco. Esta mañá o director da RAG, Víctor Freixanes, e o presidente Rueda, asinaron e formalizaron o protocolo de colaboración. As obras de rehabilitación e adecuación da Academia correrán a cargo do Ministerio de Transporte e Movilidad. As primeira actuacións comezarán previsiblemente en decembro.
É necesario realizar obras na infraestrutura para facer fronte ao gran peso que supón para o edificio os exemplares albergados na RAG. Víctor Freixanes asegurou que en ningún momento expuxéronse mudar a sede temporal da Academia a outra cidade de Galicia. A Coruña é o seu fogar.
As obras estarán terminadas, previsiblemente en decembro de 2024. O ano que vén a Xunta apotará á academia 300.000 euros, aínda que a contía poderá aumentar nos próximos anos.
O presidente da Real Academia Galega aproveitou a visita de Alfonso Rueda para reclamar máis medios económicos para a institución. Asegura que no País Vasco e Cataluña o apoio das administracións autonómicas é moito maior que en Galicia.
Tras a firma do protocolo que dará paso a un convenio de colaboración, previsto para a súa firma en novembro, o presidente da Real Academia Galega, Víctor Fernández Freixanes, agradeceu ao titular da Xunta, Alfonso Rueda, a súa consciencia sobre "a significación histórica desta".
"O traslado xa o estamos facendo. Calculamos que en decembro isto ten estar xa en condicións de que poidan afrontar as obras", detallou.
Alfonso Rueda, pola súa banda, avanzou unha achega extraordinaria da Xunta á RAG polo traslado, que será de 300.000 euros o ano que vén e continuará, polo menos, en 2024.
"Hai que terminar de dignificar este edificio, que xa é digno e ten unha importancia histórica", dixo sobre un lugar que alberga "tesouros".
Enmarcou o futuro convenio no marco do "esforzo económico que vai asumir a Xunta de Galicia nese compromiso para que a Academia siga funcionando con normalidade".
Roda tamén se referiu ao galego como un idioma no que á administración "quedan moitas tarefas pendentes", polo que avogou por "o fomento de investimentos potentes" e a "proactividad".
Desvelou que a Xunta busca 15 millóns de euros do proxecto estratéxico para a recuperación e transformación económica (PERTE) da lingua, en concreto co proxecto Nós sobre "sistemas de recoñecemento de voz para ditado", aínda sen resposta.
Segundo o convenio, a Xunta asumirá os custos das mudanzas, seguridade, instalación e traslados a Academia mentres duren as obras.
Rueda espera que as obras do albergue de peregrinos da Coruña comecen en 2023
O presidente da Xunta, Alfonso Rueda, asegurou este luns que espera que as obras do albergue público de peregrinos da Coruña empecen en 2023.
Nun acto na Coruña, o titular do Goberno galego ha remarcado a importancia de impulsar un albergue do Camiño Inglés "igual que en Ferrol", que espera licitar o ano que vén por 1,5 millóns de euros e ver o inicio das obras.
"A conclusión dos técnicos é que era mellor derrubalo e facer un edificio novo", explicou sobre a sede que o Concello ten previsto ceder, na antiga Comandancia de Obras.
Busca un edificio "funcional" que estea aberto "canto antes", posto que "o Camiño Inglés está a crecer moitísimo" e cre que "A Coruña ten que ter un albergue público".
