Máis de medio milleiro de deportistas participarán en Xinzo na Copa OCRA Galicia

tado O evento terá lugar en diferentes escenarios da vila como o Toural, a ribeira do río ou casco vello, nun percorrido adpado para cada unha das catro categorías: infantil, equipos, popular e élite.

O Concello de Xinzo de Limia fai unha aposta polo turismo deportivo acollendo a primeira edición da Copa OCRA Galicia, que será un referente en carreiras de obstáculos e reunirá a máis de medio millar de deportistas esta fin de semana.

A Copa OCRA Galicia terá como epicentro o Parque do Toural, alternando a rubeira do río Limia cun trazado urbano polo casco vello que ofrecerá espectacularidade á proba. Haberá catro categorías: infantil, equipos, popular e élite. Para os máis pequenos establecerase un circuíto no parque do Toural e nas súas inmediacións e está previsto que a proba comece ás 12:00 horas. As categorías de equipos e popular terán, dede as 10:00 horas, un percorrido de 7 quilómetros pola marxe do río Limia, alternando tramos polo casco urbano para rematar no Toural. En total, serán 25 obstaculos aos que deberán enfrontarse os deportistas. Para a categoría élite establécese un percorrido de 9 quilómetros e unha trintena de obstáculos, que comezará ás 13.00 horas e no que se decidirá ao campións galegos desta disciplina.