Rescatado con vida o tripulante do veleiro envorcado en Illas Sisargas
Outro barco é remolcado en Cabo Touriñán tras verse sorprendido por un grupo de orcas
Malpica
Rescatado con vida o tripulante dun veleiro que permaneceu varias horas desaparecido despois de que a súa embarcación envorcase onte a última hora da tarde en augas das Illas Sisargas, en Malpica. O home, de nacionalidade francesa, de 62 anos, foi rescatado por mergulladores da Garda Civil
O veleiro de nome "Jeanne Só Sailor" envorcou a 14 millas do noroeste das Sisargas ás oito da tarde de onte. Salvamento Marítimo organizou o dispositivo de procura do seu tripulante desde a madrugada por mar e aire coa colaboración do 112 Galicia e o Servizo de Gardacostas de Galicia, sen resultados positivos. Foi ás 12 da mañá cando mergulladores da empresa Ardentia Marine con base de Salvamento Marítimo en Fene puideron acceder ao interior do barco onde se atopaba o home. Ata mediodía as condicións do mar non eran viables para as inmersións. O home foi trasladado polo Helimer 402 ata o aerpuerto de Alvedro. Salvamento Marítimo recibiu a alerta da radiobaliza ás 20,23 horas deste luns.
O centro de coordinación de Salvamento mobilizou a embarcación 'Salvamar Betelgeuse' e o helicóptero 'Helimer 402'. Este último medio localizou ao veleiro quilla ao sol ás 21.26 horas. Tamén se desviou á zona o buque mercante 'Scali SanLorenzo'. Simultaneamente, os controladores marítimos do centro planificaron o operativo marítimo, aéreo e subacuático.
Durante toda a noite realizouse a procura do tripulante --rastreos por mar e aire, segundo concretou o 112-- e nestes momentos continúa o operativo na zona onde se achou o veleiro, a 14 millas NNW de Illas Sisargas.
Dispositivo marítimo e mergulladores
O dispositivo marítimo está formado pola embarcación 'Salvamar Betelgeuse', o buque 'Sar Gavia' (ambos de Salvamento Marítimo) e o patrulleira 'Río Xallas' da Garda Civil; e o operativo aéreo compóñeno os helicópteros 'Helimer 402' e 'Helimer 211' de Salvamento Marítimo; e o helicóptero 'Pesca II' da Gardacostas da Xunta de Galicia.
Tamén se mobilizaron medios subacuáticos: o Grupo Especial de Actividades Subacuáticas (GEAS) da Garda Civil chegou á zona ás 3,30 horas e efectivos da Base Estratéxica de Salvamento Marítimo de Fene arribaron ao lugar da emerxencia ás 7,30 horas.
Ondas de 2 metros na zona
No lugar da emerxencia hai ondas de 2 metros e vento do nordeste de 20-25 nós. Os efectivos subacuáticos están a valorar se poden acceder ao interior do veleiro, que está quilla a sol.
Os medios que están en zona tamén están a realizar labores para garantir a flotabilidad do veleiro.
O 112 Galicia informou, ademais, que se pediu o reforzo dos voluntarios de Protección Civil de Malpica, por se a axuda tamén fose necesaria desde terra.
Orcas no Cabo Touriñán
Esta mañá Salvamento Marítimo acudiu á axuda doutro veleiro situado a unha milla ao noroeste do Cabo Touriñán, en Muxía, despois de que a embarcación -SKELLIG- solicitase axuda ao atoparse cunha manda de orcas. O equipo Altair acudiu ao lugar dos feitos para facer firme o remolque da embarcación ás nove e media da mañá. No veleiro atopábanse dous tripulantes que están a salvo.
