Adrián González: “Quero moverme polo mundo, pero no futuro véxome no Ribeiro”
Adrián González obtivo o mellor expediente do Ciclo Superior en Vitivinicultura no IES do Ribeiro
Alumnado do IES O Ribeiro procede ao embotellado do viñoñ
Ribadavia
Liliana Lafuente é a xefa de estudos do IES O Ribeiro. Hoxe entregáronse as notas neste centro educativo. Entre os mellores expedientes está, por exemplo, o de Adrián González, que continúa co oficio do seu pai. Aínda que afirma que quere moverse polo mundo, está seguro de que o seu futuro está no Ribeiro.
No IES O Ribeiro impártense dúas familias profesionais. Por un lado, a de automoción, cun Ciclo Básico e un Medio. Por outro, a de industrias alimentarias co Ciclo Básico e o Medio de Elaboración de Aceite de Oliva e Viños, e o Superior de Vitivinicultura. Precisamente o Ciclo Medio de Elaboración de Aceite de Oliva e Viños é o único en Galicia.
As formacións que se ofrecen neste centro educativo teñen moitas saídas profesionais, aínda que o alumnado na maior parte dos casos continúa a formarse. O alumnado desenvolveu prácticas por Europa, un total de cinco alumnos e alumnas que fixeron Erasmus en Italia.
Entre os expedientes deste ano, destacan os de Pilar Justo, do Ciclo Medio de Elaboración de Aceites de Oliva e Viños, e Adrián González, do Ciclo Superior en Vitivinicultura. No Ciclo Básico de Industrias Alimentarias acadaron os mellores expedientes Iván Lameiro e Raúl Meiriño.
