A Deputación compromete o seu apoio á reforma dos campos de fútbol de Cartelle e Outomuro

Ourense

A Deputación de Ourense contribuirá á reforma integral dos campos de fútbol de Cartelle e Outomuro, nun proxecto no que ademais da colaboración do Concello de Cartelle tamén se buscará a implicación da Xunta de Galicia. Unha iniciativa´´ coa que imos poñer a disposición dos deportistas e afeccionados unhas modernas isntalacións para un municipio cunha gran tradición no mundo do fútbol´´, declarou o presidente, Manuel Baltar, logo do encontro que no Pazo Provincial mantivo co alcalde de Cartelle, Jaime Sousa. O rexedor, que agradeceu a contribución da Deputación, remarcou ´´ o enorme arraigo que este deporte ten entre a nosa veciñanza e con equipos cuxa hsitoria se remonta a mediados do pasado século.

A reforma dos campos de fútbol de Cartelle e Outomuro será un proxecto a executar en cinco anualidades e incluirá, como obras máis destacadas, a isntalación de herba artificial e iluminación.