Cee e Camariñas retiran os cartos do Banco Sabadell ao coñecer que pechará as oficinas neses concellos
Camariñas
Segue o continuo peche de oficinas bancarias na Costa da Morte. Logo dos peches de Abanca en Baiñas e Zas hai poucos días, o 18 de outubro pecharán as oficinas do Banco Sabadel en Camariñas e Cee.
Dende ese día, para ser atendidos, os clientes desta entidade bancaria en Cee terán que desprazarse ata Muros, mentres que os de Camariñas deberán facelo a Ponteceso.
No momento de coñecer a noticia tanto a alcaldesa ceense Margot Lamela como a de Camariñas Sandra Insua tomaron a decisión de pechar as contas que o concello tiña no Sabadell ao entender que non ten sentido manter unha conta nunha entidade sen oficina no municipio.
Días atrás e logo do peche de Abanca en Baiñas o goberno de Vimianzo tamén retirou seus fondos dese banco e Zas anunciou que o fará logo do plenos da próxima semana, Abanca tamén pechou a oficina na capital municipal.
Precisamente, o alcalde de Zas, Lolo Muíño presentou hoxe xoves no Congreso, xunto co deputado do BNG Nestor Rego, varias iniciativas para que o Goberno do Estado regule o sector bancario.
