Camoeiras: "Hemos comprobado que alguna terma podría estar abierta con restricciones"

Ourense

A apertura das termas terá que agardar malia que o concello anunciou que está a dar distintos pasos para adaptar os espazos termais á actual normativa. Algo que non convence a Henrique Camoeiras, voceiro da Plataforma Amigos das termas.

Camoeiras, que foi recibido no consistorio xunto con Elvira Pérez e Manuel Varela, da Plataforma, sinalou que o alcalde se amosou moi receptivo. Porén, critiica que a reapertura vaia para longo. Ademais das obras menores de acondicionamento que se iniciarán a próxima semana e que incluirán a instalación de caudalímetros, dende o Concello anunciaron que se instalará unha nova sinalización, máis clara, destes espazos, e reordenará o acceso de vehículos ao aparcadoiro situado nas proximidades das Termas do Muíño. Así, a vía de acceso pasará a ser de sentido único (Ourense cidade-Termas do Muíño), e suprimirase o dobre sentido de circulación actual.

Doutro lado, tras a  xunta de área de termalismo, José Araújo de Ciudadanos afirmaba que "o PP de Ourense está enterrando o termalismo desta cidade ". O goberno municipal insiste en que continúan a traballar para que as termas reanuden a súa actividade atendendo ás directrices determinadas pola Xunta de Galicia e pola Confederación Hidrográfica. Desde Amigos das termas pedirán unha nova entrevista coas devanditas institucións.