Aberto o prazo para inscribirse no Trail do Xurés 2021

Ourense

O Inorde organiza, co apoio da Axencia de Turismo de Galicia, a segunda edición do ´´ Trail do Xurés´´ que abre o seu prazo de inscrición para todos os interesados en participar neste evento poidan gozar da riqueza natural e paisaxística que ofrece o municipio de Muíños.

A proba, que se celebrará o vindeiro 25 de setembro, terá a súa saída ás 16:30 horas, desde o Complexo de O Corgo de Muíños. O percorrido será de 15 quilómetros cun desnivel aproximado de 600 metros que levará aos participantes a diferentes puntos de interese e de gran beleza do municipio.

Os interesados en participar poderán inscribirse a través da páxina wed www. traildoxures.com, ata cubrir as 300 prazas ofertadas.