Sucesos
Falece unha muller na praia dos Muíños, en Muxía
As asistencias non puideron facer nada por salvarlle a vida.
Praias de Muxía / Google maps
Unha muller perdeu a vida esta mañá na praia muxiá dos Muíños. Segundo as primeiras informacións, a muller atopábase no mar cando sufriu unha indisposición. Pese a recibir auxilio por parte dalgúns bañistas, os servizos de rescate non puideron facer nada por salvarlle a vida. O 112 mobilizou a un helicóptero que chegou a aterrar no areal.
A mañá está a resultar convulsa na Vila da Barca. Esta mañá, un microbús da empresa Autos Comparado sufriu unha saída de vía en San Martiño de Ozón, na AC-440. O accidente saldouse con tres feridos leves. Os pasaxeiros, once en total, pertencían a unha excursión que partira dende Santiago de Compostela.
