Francisco Ruiz: "Non hai xente que queira traballar altruistamente"

Vilalba

Adaptarse ou morrer, ou como un club con 90 anos de historia pode disolverse de non atopar un capitán que dirixa o barco. O Racing Club Vilalbés non atopa relevoó mandato de Francisco Ruiz, actual presidente. Tras case unha década de traballo, Ruiz presenta a súa dimisión "irrevocable" e, ante o deserto de candidaturas, convoca unha Asamblea Xeral Extraordinaria para decidir o futuro do club de Terceira División.

"Eu vou estar ata que remate a tempada, pero é seguro que non vou continuar. Ó non haber ninguén disposto a ocupar a directiva, vémonos obligados a convocar unha Asamblea na que sexan os socios os que decidan", apunta Ruíz. Toca decidir algo moi delicado: Deixar que o club morra ou asumir responsabilidades e alongar a súa vida.

O sentimento que lle provoca esta situación "varía" segundo o día que lle preguntemos a Ruiz."Uns días penso, moi mal o tiven que facer para que ninguén queira seguir co club, e outros días penso, pois fíxeno tan ben que ninguén quere vir detrás porque é difícil de mellorar", confesa entre risas.

Tras oito anos traballando altruistamente coma presidente do club chairego, a sensación que invade a Ruiz é"que cada día hai menos xente que queira traballar e asumir responsabilidades de balde". É "triste", di, ver que un club case centenario como o Vilalbés poida desaparecer no remate da tempada 20/21.

"Non hai moitos clubs na provincia que poidan presumir coma Vilalba do Racing" por iso agora tócalle ós seus socios decidir que queren facer con el. Ruíz non quería que a súa decisión pillase a pé cambiado ós socios e o club, por iso marcou "uns plazos, con tempo", pera buscar un relevo.

Únete al canal de WhatsApp de la SER

Polo de agora o futuro de Racing Vilalbés está no aire. O día 25 de marzo escribirase un capítulo que marcará a historia do club chairego. Os socios serán quen de decidir se hai un final máis perto que lonxe.