"Compoñer en galego sacou unha parte de min que doutro xeito non sairía"

A Coruña

O certame de música infantil e xuvenil Quero cantar!, que organiza a Deputación da Coruña, celebra a súa gala final mañá domingo ás cinco e media da tarde no Teatro Colón da Coruña. Magín e a Banda dás apertas actuarán como artistas convidados nunha gala que presentará Sole Felloza.

Con este motivo, as cancións e o canto foron o tema de hoxe de A Vivir A Coruña. Teba Chacón entrevistou a participantes no certame e os seus colaboradores abordaron o tema desde os seus puntos de vista.