O Castro non puido co lider

Lugo

O líder foi demasiado rival para o CD Castro. Especialmente, Pablo Carnero. Os tres goles do dianteiro tumbaron ao cadro de Iván Lamas, que realizou un papel moi digno no Baltasar Pujales.

O conxunto vermello saíu algo amedentrado, á espera de ver que facía o Rápido de Bouzas. Co paso dos minutos, o Castro mellorou as súas prestacións e circulou o esférico con mestría grazas ao liderazgo de Héctor. Ao cuarto de hora comezaron as hostilidades. Edrosa lanzou desviado e Rubio perdoou na mesma área pequena un contragolpe. Dez minutos máis tarde, o propio Rubio mandou un cabezazo ao longueiro. As chegadas do Rápido eran cada vez máis frecuentes. Especialmente, en accións de estratexia. Nunha desas xogadas, Jesús Varela botou un corner e Pablo Carnero fixo o resto dentro da área. 1-0.

Tocaba remontar tra-lo descanso. Youssef non foi quen de sentenciar. Fíxoo o de sempre. Pablo Carnero bateu a placer a Yebra despois dunha incursión de Nico pola banda dereita. No tramo final do encontro, Tichu atopouse co poste. O seu cabezazo rematou no pau da meta de Diego. Un Diego que cinco minutos máis tarde sacou o remate de Héctor a placer. A insistencia do Castro non tivo recompensa. De feito, encontrou castigo. Un novo golpe de Pablo Carnero. Tiña que ser él.