Paco Martín: “Os paraugas din moito da xente, sobre todo se non chove”
Paco Martín e Daniel Puente Bello poñen o foco nos paraugas para facelos protagonistas deste libro
Paco Martín asinando un exemplar da súa obra De Paraugas / Cadena SER
Lugo
A imaxe dun ou de varios paraugas, con xente ou sen xente, reclama a nosa atención antes de comezarmos a ler cada unha das historias que Paco Martín nos conta. Non sabemos con seguridade se foi antes a foto ou o relato, pero en realidade tanto ten, porque ambas as dúas cousas se complementan e forman parte dun mesmo acto creador.
Ó comezarmos a lectura váisenos desvelando e explicando a imaxe, agás en Mónica dos dous paraugas e máis en A volta do rodeo, relatos nos que temos que agardar ó final para descubrir o que une imaxe e texto. Habitantes do país da chuvia, Paco Martín e Daniel Puente Bello poñen o foco nos paraugas para facelos protagonistas deste libro. “Hai moitas historias de paraugas na miña provincia galega e todas as que coñezo supoñen que os paraugas voan” Álvaro Cunqueiro.
