Hoy por Hoy Lugo Informativo Matinal 8:20h (31/07/2020)

Os casos activos de coronavirus en Lugo volven reducirse, nun caso con respecto ao último balance, para un total de 80. Dúas persoas seguen ingresadas no Hospital da Mariña, e 79 persoas evolucionan de forma favorable nos seus domicilios. En canto aos brotes, o da Mariña continúa en 44 casos activos, mentres que o do Saviñao en 15. Ata o día de hoxe na nosa provincia detectáronse 1.282 positivos por Covid-19 con 1.174 persoas recuperas e 28 falecidas. A empresa británica Liberty House é a interesada en comprar a factoría de Alcoa en San Cibrao, mentres a multinacional americana négase a vender as dúas plantas e di que toda pasa por parar as cubas antes de vender. O Pleno ordinario do concello de Lugo aprobou onte cos votos a favor do PSOE e do PP o 5% restante do Plan Xeral de Ordenación Municipal. O concello de Lugo aprobou onte, ademais, destinar 6 millóns de euros do remanente municipal a importantes investimentos na cidade lucense. Os veciños serán quenes decidan o proxecto final da Fábrica da Luz, nun proceso de participación cidadá, segundo anunciouno onte a alcaldesa lucense, Lara Méndez. A Deputación de Lugo contribúe a reactivar a economía da Mariña lucense cunha App para a promoción turística. Mentres desde o ente provincial amosan a súa total repulsa e condena pola grabación e difusión en webs de contido pornográfico de vídeos captados con cámaras ocultas de mulleres nunha vía pública durante as pasadas festas da Maruxaina. A Xunta de Galicia amplía aos concellos de Ourol, O Saviñao, Taboada e #Baralla as axudas para desenvolver programas de conciliación. O grupo sanitario Ribera Salud faise coa participación maioritaria do Hospital Polusa. Nos deportes, o porteiro do Clube Deportivo Lugo, Ander Cantero, está no punto de mira do Levante polo que podería abandonar a entidade albivermella.