O uso do galego só supera en dous puntos o do castelán

A Coruña

A situación do galego é boa, segundo considera o secretario xeral de Política Lingüistíca da Xunta de Galicia, Valentín García. Subliña que o galego é a lingua máis falada porque o 51,8% da poboación usa o idioma propio, o que é só dous puntos por riba do castelán. Admite que é importante estimular o uso entre os máis novos e centrarse na presenza do galego nas novas tecnoloxías.

Proxecto Nós

Xunta e a Universidade de Santiago (USC) comparten o "Proxecto Nós" que busca, precisamente, o desenvolvemento e uso do galego en campos tecnolóxicos para promover o seu uso. O 86% dos galegos saben escribir na súa lingua, algo que non quere dicir que decidan empregala no seu día a dúa.

O secretario xeral visitou esta mañá a estación de tren da Coruña para presentar unha campaña xunto a Renfe con motivo do Día das letras Galegas. Nos trens A Coruña- Vigo e Ourense-A Coruña colocáronse 3.000 carteis informáticos de difusión do Día dás Letras Galegas. Algo ao que se sumará a repartición de libros en galego entre os pasaxeiros tanto hoxe como o propio 17 de maio ata esgotar existencias, apunta Valentín García