O Concello de Lugo saca máis de 200 prazas para aprender a escalar

Lugo

Para todo na vida hai unha primeira vez, tamén para escalar. O Concello de Lugo pon en marcha a actividade Bautismo de escalada, un curso que terá coma escenario o Rocódromo de Lugo e que contará unha oferta de até 250 prazas . A cita desenvolverase durante os sábados e domingos de maio e xuño polas tardiñas.

O edil de xuventude, Mauricio Repetto, destacou na presentación do curso que esta é unha actividade pensada “para aqueles que nunca escalaron , pero senten certa inquietude por probar esta disciplina deportiva coñecer de preto as sensacións que achega este deporte e empezar dunha forma segura e baixo a supervisión de profesionais”

A actividade diríxese para persoas entre os 14 e 40 anos de idade, será de balde e non require de ningún material especial, pois todo o necesario será entregado na propia xornada.

A inscrición, debe realizarse a través da web lugomasxti.org, será por rigurosa orde e ata cubrir prazas e terán prioridade as persoas empadroadas no Concello de Lugo.

Orde de inscrición

As inscricións ábrense o 2 de maio ás 9.00 h e péchanse ás 19.00h do mércores previo ao fin de semana seleccionado:

Únete al canal de WhatsApp de la SER

1. Dende o 02 de maio ata o 11 de maio para o fin de semana do 14-15 de maio
2. Dende o 02 de maio ata o 18 de maio para o fin de semana do 21-22 de maio
3. Dende o 02 de maio ata o 25 de maio para o fin de semana do 28-29 de maio
4. Dende o 02 de maio ata o 01 de xuño para o fin de semana do 04-05 de xuño
5. Dende o 02 de maio ata o 15 de xuño para o fin de semana do 18-19 de xuño
6. Dende o 02 de maio ata o 22 de xuño para o fin de semana do 25-26 de xuño