Descontos do 20 % nas librarías de Ribadavia

Radio Ribeiro

Volve, por segundo ano a Semana do Libro, que se celebrará entre o 18 e o 24 de abril, con descontos do 20% nas librarías. O 23 de abril celébrase o Día do Libro, e con este motivo, desde o Concello de Ribadavia queren animar á veciñanza "a participar desta oferta para gozar da lectura e contribuír a dinamizar o comercio local".

O desconto do 20% será será aplicable á merca de libros de lectura: ficción, ensaio ou Banda Deseñada. A oferta será acumulable a outras ofertas que poida haber nos propios establecementos. Ao tratarse dunha oferta especial, non se admitirá a devolución dos libros que sexan mercados a través deste desconto.

As librarías de Ribadavia nas que se poderá gozar deste desconto son: Libreriamafranch Ribadavia, Follas Novas e LibreríaGoyma.